Sabarimala Milma Ghee Irregularity: ശബരിമല മില്‍മ നെയ് ക്രമക്കേട്; എസ്പി എം ജെ സോജന്‍ പ്രത്യേക അന്വേഷണ സംഘത്തിന്റെ തലവന്‍

ശബരിമല മില്‍മ നെയ് തട്ടിപ്പിന്റെ അന്വേഷണം എസ്പി എം ജെ സോജന്‍ നയിക്കുന്ന പ്രത്യേക അന്വേഷണ സംഘത്തിന്റെ കീഴിൽ നടക്കും. ഡിവൈഎസ്പി സി എസ് ഹരിയാണ് ഈ അന്വേഷണത്തിന്റെ പ്രധാന ഉദ്യോഗസ്ഥൻ. ഹൈക്കോടതി നൽകിയ പട്ടികയിൽ നിന്നാണ് ഈ സംഘത്തെ രൂപീകരിച്ചതെന്ന് അറിയുന്നു. വിജിലന്‍സ് ഇൻസ്പെക്ടർമാരായ എ എസ് സജി ശങ്കർ, എസ് ശ്രീജിത്ത്, ടി ആർ കിരൺ, ആർ എസ് രതീന്ദ്രകുമാർ എന്നിവരും ഈ സംഘത്തിൽ ഉൾപ്പെട്ടിരിക്കുന്നു. ഈ കേസിൽ എസ്പിമാരായ ജുവനപ്പുടി മഹേഷ്, എം.ജെ സോജന്‍, ആർ ബിനു എന്നിവരുടെ പേരുകൾ ഹൈക്കോടതി തീരുമാനിച്ചിട്ടുള്ളതായി റിപ്പോർട്ട് ചെയ്യുന്നു.

ദേവസ്വം ബെഞ്ച് ശബരിമല മില്‍മ നെയ് ക്രമക്കേട് അന്വേഷിക്കാൻ മികച്ച ഉദ്യോഗസ്ഥരെ നിയോഗിക്കണമെന്ന് ആവശ്യപ്പെട്ടിരുന്നു. ഈ ആവശ്യത്തിന് അനുസരിച്ച്, സർക്കാർ അന്വേഷണ ഉദ്യോഗസ്ഥരുടെ പട്ടിക കൈമാറിയതായി അറിയുന്നു. ശബരിമലയിൽ മില്‍മ നെയ് ക്രമക്കേട് പ്രഥമദൃഷ്ട്യാ ഗൗരതരമാണെന്ന് ഹൈക്കോടതി ദേവസ്വം ബെഞ്ച് കഴിഞ്ഞ ദിവസം വിലയിരുത്തിയിരുന്നു. സുതാര്യമായ അന്വേഷണത്തിനായി വിജിലന്‍സ് ഡയറക്ടർ പ്രത്യേക സംഘത്തെ നിയോഗിക്കണമെന്ന് കോടതി നിർദ്ദേശിക്കുകയും, ഈ അന്വേഷണം ഒരു മാസത്തിനുള്ളിൽ പൂർത്തിയാക്കണം എന്നതും വ്യക്തമാക്കിയിരുന്നു.